Trendy Song with Sivaji Ganasan

ஞான ஒளி

நெட்டு சுத்துதடா
ஸ்பீட் பத்தலைடா
டவர் எட்டலைடா
சிக்னல் கிட்டலைடா
டவர் எட்டலைடா
சிக்னல் கிட்டலைடா

நாலு லைக்கு போடும் முன்னால்
நாக்குத் தொங்கிப் போனதடா
(நெட்டு சுத்துதடா..)

ரெண்டு ஜிபி என்று சொன்னான்
பிபி ஏறுதடா
ஜேபி காசு காற்றில் கரைந்து
மாயம் ஆனதடா
மெயிலைப் பார்க்க பத்து நிமிஷம்
தொங்க வைக்குதடா
தொங்கித் தொங்கி கண்கள் மங்கிச்
சாகடிக்குதடா
(நெட்டு சுத்துதடா..)

மோட மோடு இணைப்பு வைத்தேன்
ஆப்பு வைத்ததடா
ஒயர்லெஸ் இணைப்பு கொடுத்துப் பார்த்தேன்
சூப்பு வைத்ததடா
வைஃபை இணைப்பு குடைச்சல் தந்து
டார்ச்சர் பண்ணுதடா
மனம் பொறுமை என்னும் சிகரம் ஏறி
கடவுள் ஆனதடா
(நெட்டு சுத்துதடா..)

போர்ட்டல் இணைப்பை வாங்கிப் பார்க்க
பூதம் வந்ததடா
நான் வேறு இணைப்பை மாற்றிப் பார்த்தேன்
மூளை வெந்ததடா
இணையம் இல்லா உலகில் வாழும்
அமைதி வந்ததடா
மனம் இணையம் என்னும் மாயை கடந்து
ஞானம் கொண்டதடா
(நெட்டு சுத்துதடா..)